Услугата Клауд Оптичка Линија ги интегрира ЛАН мрежите на вашите физички канцеларии со вашата Клауд приватна мрежа, користејќи директни кабелски врски до вашите локации преку супер брза фибер оптичка мрежа која функционира независно од Интернетот.

Октако ќе се интегрираат, компјутерите и другите ИТ уреди во вашите канцеларии ќе можат да остварат безбедна директна конекција со загарантирана брзина со вашите виртуелни приватни сервери, дедицирани сервери и други фибер оптички точки.

Примарниот ефект е значително намалување на трошоците преку споделување на дисков простор, IP телефонија и други ИТ ресурси помеѓу повеќе локации.

Предности

• Изолираната и дедицирана мрежа за Вашите виртуелни сервери е бесплатна. Сами бирате кои приватни ИП адреси да бидат зададени на серверите.
• Гарантирана брзина на проток помеѓу далечни локации - многу значајно за апликации кои работат во реално време.
• Зголемена приватност на комуникацијата бидејќи пакетите не патуваат низ Интернетот, а во рамките на мрежата на Интерспејс се изолирани во Ваша засебна Етернет мрежа.
• Лесно за одржување и миграција бидејќи не се инволвирани јавни ИП адреси врзани за одреден провајдер.
• Линиите терминираат на етернет интерфејси, овозможувајќи лесна интеграција со вашите постоечки свичеви и рутери.
• Етернет како основен протокол, овозможувајќи да проследите Ваши мрежни технологии врз него, како VPN и QoS полиси.

Робусна и редундантна мрежа

Нашата мрежна архитектура е дизајнирана да опслужува системи од критична важност за бизнисот, осигуравајќи максимален проток на пакетите, ниска латенција и повеќе степена редундантност за највисоко ниво на услуга. Мрежата е поврзана со водечките глобални и регионални tier1/tier2 оператори, преку заштитени и географски независни фибер оптички линии.

Локална мрежа

Interspace оперира со сопствена фибер оптичка мрежа во Македонија во должина од повеќе од 1500 километри. Мрежата се протега до речиси сите градови и гранични премини. Најголема покриеност имаме во Скопје каде што се опфатени сите населби.

Јадрото на нашата мрежа има терабитен капацитет за свичинг и проток. Секоја корисничка порта има загарантиран капацитет бидејќи секој L2/L3 уред дел од нашата мрежа (моделите се верификувани од Tolly и Miercom тестови) обезбедува неблокирачка технологија за проследување на пакети, што значи дека можат да процесираат максимален проток на сите големини на фрејмови (64-1518) на сите порти едновремено.

Регионална мрежа

На регионално ниво, Interspace оперира со мрежа во вкупна должина од околу 2000км. Таа функционира во редундантна топологија со два поголеми прстени на следните релации:

1. Македонија - Бугарија - Србија - Словенија - Хрватска - Босна - Црна Гора - Косово - Македонија
2. Македонија - Грција - Бугарија - Македонија

Имаме неколку поголеми централни точки со високо капацитетна рутирачка опрема за телекомуникациски врски, и тоа:

1. Македонија. Во дата центри на Interspace во Скопје и Деве Баир.
2. Бугарија. Во независен дата центар од највисока класа.
3. Србија. Во независен дата центар од највисока класа.
4. Грција. Во независен дата центар од највисока класа.

Преку оваа мрежа се поврзуваме со провајдери директно во нивната најблиска точка во регионот. Поврзувањето е преку повеќе гео независни супер брзи линкови кои базираат на DWDM технологија која овозможува најниска латенција и највисок квалитет за проток.

Глобално присуство

За потребите на нашата клауд и онлајн видео платформата, Interspace има IT инфраструктура во следните региони:

1. Европа: Германија, Холандија, Франција, Велика Британија, Австрија, Македонија, Србија, Бугарија, Грција.
2. Северна Америка: САД, Канада.
3. Азија/Океанија: Австралија, Јапонија, Сингапур.

Оптичкa инфраструктура од прва класа

Оптичката мрежа на Interspace е дизајнирана според сите релевантни ISO стандарди и изградена според строги процедури, осигурувајќи исполнување на највисоките барања за квалитет. Поседуваме највисока акредитација за проектирање на мрежна инфраструктура, лиценца А, која потврдува дека сме способни да дизајнираме висококвалитетни оптички мрежи.

Имаме сопствени тимови и опрема за целиот процес на изградба, оперирање и одржување на мрежата. Користиме фузија наместо механичко спојување на влакната, обезбедувајќи долготрајна издржливост и сигурност. Квалитетот на врската се верификува со опсежни OTDR, RFC 2544 и ITU Y.1564 мерења за да се гарантира најдобар пренос.

Вршиме континуирано 24/7 проактивно мониторирање на секој сегмент од инфраструктурата. На основно ниво, резервираме две влакна од секој кабел за следење на општата состојба на кабелот. Мониторираме повеќе компоненти (напојувања, температура, сообраќај итн.) во секој мрежен уред, вклучувајќи постојана проверка на нивото на оптичкиот сигнал на секој кориснички интерфејс. Ова ни овозможува да реагираме брзо и беспрекорно, осигурувајќи SLA гаранција за ниво на квалитет и uptime на врските.