Interspace е провајдер на комуникациски, клауд и хостинг услуги од прва класа, кои се доставуваат исклучиво преку системи од највисок квалитет. Нашиот примарен фокус е следење и контрола на строги процедури со цел обезбедување стабилни, сигурни и првокласни услуги на компании и провајдери, насекаде во светот. Водечки бизниси ја поставија својата долгорочна доверба во нашите робусни и модерни технологии, кои се спремни да опслужат системи од критична важност за бизнисот.

Искуството на телекомуникацискиот пазар датира од пред Интернет ерата, кога во 1994 година се стартуваше dial-up базирана комуникациска платформа, која на корисниците им овозможуваше пристап и размена на апликации, новости и пораки. Денес, Interspace оперира со глобална cloud инфраструктура со дистрибуирани ИТ системи во Европа, Северна Америка, Азија и Австралија. Телекомуникациските услуги се обезбедуваат преку голема оптичка мрежа во Македонија, во сопственост на Interspace, која базира на високо редундантна архитектура зајакната со опрема од последна генерација со терабитен капацитет.

Имаме изобилство на успешни приказни и долгорочни партнерства со водечки локални и глобални компании од приватниот и јавниот сектор. Компании од различни индустрии и различна големина известуваат за зголемена ефикасност и минимизирани прекини во деловниот континуитет благодарение на нашите комуникациски, клауд и хостинг услуги. Ве молиме посетете ја страната за Клиенти и препораки за повеќе детали.

Interspace оперира со сопствена фибер оптичка мрежа во Македонија во должина од повеќе од 1500 километри. Мрежата се протега до речиси сите градови и гранични премини. Најголема покриеност имаме во Скопје каде што се опфатени сите населби.

На регионално ниво, Interspace оперира со мрежа во вкупна должина од околу 2000км, која поминува низ Македонија, Грција, Бугарија, Србија, Словенија, Хрватска, Босна, Црна Гора и Косово. Преку оваа мрежа се поврзуваме со глобалните провајдери директно во нивната најблиска точка во регионот. Врските се редундантни и опфаќаат повеќе гео независни супер брзи DWDM линии кои обезбедуваат најниска латенција и највисок квалитет за проток.

Јадрото на мрежата располага со терабитен капацитет за свичинг и пропусен опсег. Од јадрото до секој краен кориснички рутер, сите операторски уреди обезбедуваат сертифициран line-rate non-blocking пренос на сообраќај, осигурувајќи максимален bandwidth за сите големини на пакети на сите порти истовремено.

За потребите на нашата клауд и онлајн видео платформата, Interspace има глобално присуство со ИТ инфраструктура во повеќе земји во Европа (Македонија, Германија, Холандија, Франција, Велика Британија, Австрија, Србија, Бугарија, Грција), Северна Америка (САД, Канада), Азија/Океанија (Австралија, Јапонија, Сингапур). Прочитајте повеќе

Нашата врховна посветеност е да го одржуваме задоволството на клиентите на највисоко ниво. Тимовите за развој на производи и услуги се во тесна комуникација со водечки технолошки вендори, со цел да се дизајнираат најдобри производи и услуги. Од нашите клиенти бараме директни и постојани повратни информации со цел да ги унапредуваме решенијата со секоја следна инсталација - овие позитивни искуства потоа ги пренесуваме кон останатите корисници.

Нашата мисија е да дизајнираме најдобри информатички и комуникациски решенија, и да ги обезбедиме истите по најприфатливи услови.

Нашата визија е да постанеме глобален провајдер за информатички и комуникациски технологии наменети за деловни корисници, засновајќи го успехот на диманична соработка со клиентите за остварување взаемен деловен успех.