Проширете го пристапот до источноевропскиот пазар брзо и ефтино, искористувајќи ја нашата врвна off-net и on-net инфраструктура која покрива клучни региони и главни бизнис центри.

Без разлика дали сакате да воспоставите ново присуство или да ги подобрите вашите постоечки операции, нашата врвна мрежа која подржува терабитен проток и високи перформанси осигурува дека можете да го направите тоа со неприкосновена ефикасност и сигурност.

Услуги за оператори

Како водечки провајдер за комуникации и хостинг, нудиме низа услуги специјално дизајнирани за оператори, осигурувајќи дека вашите потреби за поврзување се исполнети со највисоки стандарди на квалитет и перформанси. Нашето портфолио на услуги вклучува:

• L2 (E-Access EPL/EVPL, EP-LAN/EVP-LAN)
• L2VPN
• L3VPN (MPLS)
• Internet IP Transit
• Менаџирана фибер оптика
• Изнајмување на оптика под IRU
• Дата центар колокација
• Disaster Recovery дата центар

Робусна и редундантна мрежа

Нашата мрежна архитектура е дизајнирана да опслужува системи од критична важност за бизнисот, осигуравајќи максимален проток на пакетите, ниска латенција и повеќе степена редундантност за највисоко ниво на услуга. Мрежата е поврзана со водечките глобални и регионални tier1/tier2 оператори, преку заштитени и географски независни фибер оптички линии.

Локална мрежа

Interspace оперира со сопствена фибер оптичка мрежа во Македонија во должина од повеќе од 1500 километри. Во мрежата се опфатени оптички траси до скоро сите градови и гранични премини во Македонија. Во рамки на градовите имаме најголемо присуство во Скопје каде што се покриени сите населби.

Јадрото на нашата мрежа има терабитен капацитет за свичинг и проток. Секоја корисничка порта има загарантиран капацитет бидејќи секој L2/L3 уред дел од нашата мрежа (моделите се верификувани од Tolly и Miercom тестови) обезбедува неблокирачка технологија за проследување на пакети, што значи дека можат да процесираат максимален проток на сите големини на фрејмови (64-1518) на сите порти едновремено.

Регионална мрежа

На регионално ниво, Interspace оперира со мрежа во вкупна должина од околу 2000км. Таа функционира во редундантна топологија со два поголеми прстени на следните релации:

1. Македонија - Бугарија - Србија - Словенија - Хрватска - Босна - Црна Гора - Косово - Македонија
2. Македонија - Грција - Бугарија - Македонија

Имаме неколку поголеми централни точки со високо капацитетна рутирачка опрема за телекомуникациски врски, и тоа:

1. Македонија. Во дата центри на Interspace во Скопје и Деве Баир.
2. Бугарија. Во независен дата центар од највисока класа.
3. Србија. Во независен дата центар од највисока класа.
4. Грција. Во независен дата центар од највисока класа.

Преку оваа мрежа се поврзуваме со провајдери директно во нивната најблиска точка во регионот. Поврзувањето е преку повеќе гео независни супер брзи линкови кои базираат на DWDM технологија која овозможува најниска латенција и највисок квалитет за проток.

Глобално присуство

За потребите на нашата клауд и онлајн видео платформата, Interspace има IT инфраструктура во следните региони:

1. Европа: Германија, Холандија, Франција, Велика Британија, Австрија, Македонија, Србија, Бугарија, Грција.
2. Северна Америка: САД, Канада.
3. Азија/Океанија: Австралија, Јапонија, Сингапур.

Оптичкa инфраструктура од прва класа

Оптичката мрежа на Interspace е дизајнирана според сите релевантни ISO стандарди и изградена според строги процедури, осигурувајќи исполнување на највисоките барања за квалитет. Поседуваме највисока акредитација за проектирање на мрежна инфраструктура, лиценца А, која потврдува дека сме способни да дизајнираме висококвалитетни оптички мрежи.

Имаме сопствени тимови и опрема за целиот процес на изградба, оперирање и одржување на мрежата. Користиме фузија наместо механичко спојување на влакната, обезбедувајќи долготрајна издржливост и сигурност. Квалитетот на врската е проверен со опсежни OTDR, RFC 2544 и ITU Y.1564 мерења за да се гарантира најдобар квалитет на пренос.

Вршиме континуирано 24/7 проактивно мониторирање на секој сегмент од инфраструктурата. На основно ниво, резервираме две влакна од секој кабел за следење на општата состојба на кабелот. Мониторираме повеќе компоненти (напојувања, температура, сообраќај итн.) во секој мрежен уред, вклучувајќи постојана проверка на нивото на оптичкиот сигнал на секој кориснички интерфејс. Ова ни овозможува да реагираме брзо и беспрекорно, осигурувајќи SLA гаранција за ниво на квалитет и uptime на врските.