Interspace - Стандарден Интернет пристап

Стандарден Интернет пристап

Доверлива Интернет конекција со непобедлив однос на цена со перформанси

Што е Стандарден Интернет пристап?

Стандардниот Интернет пристап е наменет за мали канцеларии и домашни корисници, кои имаат потреба од стабилен и економичен интернет пристап. Конекцијата се доставува преку фибер оптика, овозможувајќи симетрични download/upload брзини за добри перформанси при секојдневни интернет активности.

Оваа услуга е практичен избор за корисници кои немаат потреба од напредните карактеристики на нашиот Премиум Интернет пристап. Ограничувањата во споредба со Премиум пакети се:

Нема Договор за Ниво на Услуга (SLA), што резултира во поспоро решавање на пречките.
Не се користи дедицирано точка-до-точка оптичко влакно.
Динамичка јавна IP адреса наместо статичка.
Ограничен месечен сообраќај.

Услугата е достапна во:

Македонија

Пакети и цени

Пакет	Интернет брзина	Месечен сообраќај	Еднократен надомест	Месечен надомест (без ДДВ 18%)
Стандард 50	50/50 Mbps	5 TB	MKD 600	MKD 600
Стандард 100	100/100 Mbps	8 TB	MKD 600	MKD 750
Стандард 200	200/200 Mbps	10 TB	MKD 600	MKD 1000
Стандард 300	300/300 Mbps	10 TB	MKD 600	MKD 1500

Нарачај Стандарден Интернет пристап

Назад кон листа на пакети

Нема обврска за договор на 1 или повеќе години. Wi-Fi рутер ќе биде обезбеден на бесплатно користење додека важи договорот. По надминувањето на вклучениот месечен сообраќај, брзината на пристап се намалува на 2 Mbps/2 Mbps, а истата се враќа при започнување на следниот месец.

Предности на Интернет пристапот од Interspace

Интернет поврзаност со висок квалитет

Interspace е телеком провајдер од прва класа кој оперира со сопствена локална и регионална фибер оптичка инфраструктура и автономен систем во глобалната BGP мрежа.

Interspace има директни конекции со водечките глобални tier 1 провајдери и стратешки регионални и локални пирингзи, преку кои обезбедуваме Интернет од највисока класа за професионални бизниси и други провајдери, како и за нашата клауд и хостинг платформа.

Нашата мрежа е со пасија дизајнирана да обезбеди конекции со највисок квалитет од/до било која дестинација во светот, резултирајќи во неспоредлива брзина на трансфер и повеќе степена редундантност.

Робусна и редундантна мрежа

Interspace оперира со сопствена фибер оптичка мрежа во Македонија во должина од повеќе од 1500 километри. Мрежата се протега до речиси сите градови и гранични премини. Најголема покриеност имаме во Скопје каде што се опфатени сите населби.

На регионално ниво, Interspace оперира со мрежа во вкупна должина од околу 2000км, која поминува низ Македонија, Грција, Бугарија, Србија, Словенија, Хрватска, Босна, Црна Гора и Косово. Преку оваа мрежа се поврзуваме со глобалните провајдери директно во нивната најблиска точка во регионот. Врските се редундантни и опфаќаат повеќе гео независни супер брзи DWDM линии кои обезбедуваат најниска латенција и највисок квалитет за проток.

Јадрото на мрежата располага со терабитен капацитет за свичинг и пропусен опсег. Од јадрото до секој краен кориснички рутер, сите операторски уреди обезбедуваат сертифициран line-rate non-blocking пренос на сообраќај, осигурувајќи максимален bandwidth за сите големини на пакети на сите порти истовремено.

За потребите на нашата клауд и онлајн видео платформата, Interspace има глобално присуство со ИТ инфраструктура во повеќе земји во Европа (Македонија, Германија, Холандија, Франција, Велика Британија, Австрија, Србија, Бугарија, Грција), Северна Америка (САД, Канада), Азија/Океанија (Австралија, Јапонија, Сингапур). Прочитајте повеќе

Придржување до највисоки стандарди и строги процедури

Interspace работи во согласност со највисоките стандарди и се придржува до строги процедури, редовно валидирани преку сертификации, како што е наведно подолу:

ISO 27001: Сертификат за нашиот систем за управување со информатичка безбедност.
ISO 20000-1: Сертификат за управувачки процеси за ефективна испорака на IT услуги.
ISO 22301: Сертификат за обезбедување на континуитет во работењето во случај на инцидент или катастрофа.
ISO 9001: Сертификат за нашиот систем за управување со квалитет.
ISO 14001: Сертификат за одговорно управување со животната средина.
Лиценца А за проектирање на мрежи: Највисока акредитација за проектирање на мрежна инфраструктура од висока класа, вклучувајќи дата центар системи и фибер оптички мрежи.