Предности на Interspace Cloud
Изградена на еластична инфраструктура, Interspace клауд платформата е спремна за хостирање на развивачки и бизнис-критични апликации. Едноставно преминувајте на различни пакети за измена на RAM, CPU и простор, осигурувајќи се дека вашиот сервер секогаш ги задоволува потребите совршено. За разлика од традиционалните ВПСи, Interspace клауд ВПС не е фиксиран зе еден физички хост. Наместо тоа, тој работи и се движи транспарентно низ голем кластер од редундантни хардверски ресурси кои постојано се надоградуваат, обезбедувајќи беспрекорно искуство за корисниците без никакви прекини на виртуелниот сервер.Нашиот безбеден контролен панел My Interspace е наполнет со есенцијални алатки за управување на вашите клауд ресурси, вклучувајќи: конзола преку веб, ОС (ре)инсталација, додавање/бришење јавни и приватни IP адреси, управување со клауд приватна мрежа, старт/стоп/рестарт, креирање снапшоти, автоматски бекапи, disaster recovery репликација, мониторинг и повеќе!Interspace Клауд поддржува виртуелен Trusted Platform Module (TPM) 2.0, обезбедувајќи робусна заштита за вашите виртуелни сервери. Меѓу другите предности, можете да го употребите TPM за енкрипција на виртуелните дискови со BitLocker или други технологии за шифрирање, обезбедувајќи заштита на вашите податоци од неовластен пристап.
Клауд приватна мрежа е бесплатна Layer 2 етернет мрежа, изолирана и дедицирана само за една организација. Во оваа мрежа, вашите виртуелни приватни сервери, дедицирани сервери и метро етернет точки можат да комуницираат директно преку приватни IP адреси. Нема дополнителен надомест и месечни ограничувања за пренос на податоци во оваа мрежа.Дополнително, индивидуален компјутер од каде било во светот може безбедно да пристапи до клауд приватната мрежа користејќи ја нашата Клауд VPN услуга.Генијалноста е во тоа што серверите кои нема потреба да се пристапуваат директно преку Интернет може да имаат само приватна IP адреса, како дата бази, околина за развој и други позадински сервиси. Ова ви обезбедува дополнителна заштита од напади преку Интернет и намалување на трошоците бидејќи не плаќате за јавна IPv4 адреса.Имате слобода сами да ги изберете приватните IP адреси за секој виртуелен приватен сервер. Можете дополително да ја прилагодите мрежата со креирање на повеќе приватни IP сабнети за да ги групирате серверите во различни мрежни сегменти.
Interspace е телеком провајдер и една од нашите главни услуги е обезбедување Интернет од највисока класа. Корисниците на Вашите услуги ќе имаат добивка од ова, бидејќи без разлика каде се лоцирани тие ќе имаат брз пристап до Вашите сервери преку нашaта мрежа дизајнирана за најквалитетни конекции. Од глобалните провајдери ги истакнуваме директните врски со Lumen (ex CenturyLink/Level3) и Arelion (ex TeliaCarrier) кои се на првите две места на глобалната ранг листа asrank.caida.org, и Hurricane Electric кој е во топ 5. Со овие врски, виртуелните сервери влегуваат директно во јадрото на Интернет мрежата преку само еден провајдерски рутер.Имаме директни врски со повеќе регионални и локални провајдери, како и со специјализирани провајдери, вклучувајќи ги Google, Cloudflare, Amazon и Facebook. Присутни сме во Интернет менувачници, како во европската менувачница DATAIX, македонската менувачница IXP.MK и бугарската менувачница BIX, преку кои се поврзуваме со голем број на Интернет и хостинг провајдери. Овие врски обезбедуваат значително подобар проток и латенција, бидејќи сообраќајот се рутира директно наместо преку глобални провајдери.Поседуваме сопствена регионална мрежа која функционира во редундантна топологија, со два поголеми прстени на релација Македонија - Бугарија - Србија - Словенија - Хрватска - Босна - Црна Гора - Косово - Македонија и Македонија - Грција - Бугарија - Македонија. Имаме три поголеми точки со рутирачка опрема надвор од Македонија во дата центри во Белград, Софија и Атина. Преку оваа мрежа се поврзуваме со наведените провајдери директно во нивната најблиска точка во регионот. Поврзувањето е преку повеќе гео независни супер брзи линкови кои базираат на DWDM технологија која овозможува најниска латенција и највисок квалитет за проток.
Автоматски резервни копии и снапшоти претставуваат копии на целиот виртуелен приватен сервер кои се прават по автоматизам или рачно со еден клик.Можете да бирате колку автоматски резервни копии да се прават и во кои денови од неделата. Виртуелниот сервер може да се поврати со некоја од зачуваните копии или снапшоти со еден клик.Во Interspace Клауд, резервните копии и снапшотите не се чуваат во рамки на истиот дата центар, туку во дата центар оддалечен најмалку 100 км. За дополнителна заштита, тие се чуваат на RAID дуплициран простор. Во Interspace Клауд, резервните копии и снапшоти никако не влијаат на намалување на перформансите на серверот бидејќи се целосна копија на виртуелниот сервер, а не само изменета состојба на родителски диск.
Како доверлив Microsoft Партнер, Interspace нуди бројни предности за клиентите, вклучувајќи пристапни цени за лиценци за софтвер на Microsoft и менаџирани услуги за поддршка за безпрекорна интеграција на вашите системи со екстензивниот Microsoft екосистем.Искористете го нашето партнерство со Microsoft за да ја помогнете иновативноста, ефикасноста и успехот во вашиот бизнис, преку користење на Microsoft технологии во нашата стабилна и моќна клауд платформа.
Репликација претставува процес на постојано креирање идентичен standby виртуелен сервер (наречен реплика) од примарниот виртуелен сервер во друг дата центар оддалечен најмалку 100 км. Се активира со еден клик, потоа вие не правите никакви активности, во позадина системот автоматски ги извршува сите комплексни операции. Репликацијата не ги намалува перформансите на виртуелниот сервер ниту ја успорува неговата комуникација, бидејќи користи независни дедицирани ресурси.Репликата и примарниот сервер се синхронизираат со постојан трансфер на податоци помеѓу нив. Трансферот се одвива преку гео независни врски со ултра висока брзина (Nx100 Gbps), овозможувајќи создавање реплика во реално време дури и кога примарниот серверот обавува интензивни операции на супер брзи NVMe дискови, како и во случај на испад на една од независните врски.Во случај на катастрофален инцидент во примарниот дата центар, репликата може да биде стартувана и да работи од disaster recovery дата центарот, без да има потреба од подготовка на нови сервери и сродна инфраструктура, како и ресторирање од резервни копии (ако воопшто сте направиле копии).
Interspace работи во согласност со највисоките стандарди и се придржува до строги процедури, редовно валидирани преку сертификации, како што е наведно подолу:
- ISO 27001: Сертификат за нашиот систем за управување со информатичка безбедност.
- ISO 20000-1: Сертификат за управувачки процеси за ефективна испорака на IT услуги.
- ISO 22301: Сертификат за обезбедување на континуитет во работењето во случај на инцидент или катастрофа.
- ISO 9001: Сертификат за нашиот систем за управување со квалитет.
- ISO 14001: Сертификат за одговорно управување со животната средина.
- Лиценца А за проектирање: Највисоко ниво на акредитација за проектирање на фибер оптичка инфраструктура.
