Чекори за брз почеток

Поставете го вашиот софтвер на клауд сервери

Започнете со креирање на клауд сервери каде што ќе работат вашите апликации. Користете ја нашата Еластичен Клауд ВПС услуга, која претставува виртуелна машина која работи во напредна клауд инфраструктура. Едноставно, најавете се во My Interspace контролниот панел за да нарачате сервер. Серверот се провизионира за околу една минута по нарачката.

Подигнете сервери со јавни IP адреси за сервиси достапни на целиот интернет (веб страни или API-ja). Подигнете сервери со приватни IP адреси за сервиси достапни само за ограничени групи (корисници на ЕРП или ЦРМ решенија), како и за позадински сервиси (бази на податоци или интерни алатки).

Инсталирајте оперативен систем и основни системски програми користејќи ги алатките за инсталација обезбедени во контролниот панел. Продолжете со инсталација на вашиот софтвер, бази на податоци и поврзани сервиси кои ќе ги користат вашите клиенти.

Користете ја Веб Конзолата за извршување на едноставни административни задачи на вашиот сервер, како на пример иницијална инсталација на оперативниот систем.

За напредна администрација, поврзете се на јавната IP адреса на серверот користејќи RDP или SSH. Доколку вашиот сервер има само приватна IP, користете Cloud NAT Gateway и подесте port-forward до приватната IP на серверот. Оваа услуга е корисна и за овозможување на пристап до Интернет за сервери со приватна IP за задачи како update на софтвер, без директна изложеност на целиот Интернет. Алтернативно, користете Cloud VPN PointConnect доколку ви треба само безбедно да се поврзете на приватната IP адреса на серверот преку Интернет.

Откако овој setup ќе биде завршен, следниот чекор е да им овозможите на вашите клиенти безбеден пристап до вашите сервери.

Овозможување на вашите клиенти да пристапат до вашите апликации

За јавно достапни услуги како веб страни, можете да доделите јавна IP адреса и домен на вашиот сервер. Осигурајте се дека ќе поставите Firewall правила за да го ограничите несаканиот сообраќај.

За апликации наменети само за ограничена група, чувајте ги вашите сервери на приватни IP адреси и овозможете им на вашите клиенти да се поврзуваат преку нашите VPN услуги.

За индивидуални корисници, изберете ја Клауд VPN PointConnect услугата. Едноставно креирајте кориснички профили во контролниот панел My Interspace и споделете ги деталите за најава. Корисниците можат да користат вградени VPN клиенти на Windows, macOS, Linux, iOS или Android без инсталирање дополнителен софтвер.

Ако цели канцеларии или повеќе филијали имаат потреба од пристап, погледнете го Клауд VPN MultiSite решението. Тоа поддржува врски site-to-site, како и поединечни конекции од компјутери. Најголемиот дел од подесувањето се прави преку нашиот веб панел, што драстично ја минимизира комплексноста која е обично поврзана со вакви сложени VPN решенија.

Испорачајте продукти побрзо до вашите клиенти со ВПС Имиџи

ВПС Имиџите се целосни копии на вашиот виртуелен сервер кои остануваат достапни дури и откако оригиналниот сервер е избришан. Тие служат како шаблони кои можете да ги користите за реплицирање на сервери со нивниот оперативен систем, апликации и бази на податоци за повеќе клиенти или проекти.

ВПС Имиџите го забрзуваат обезбедувањето на нови клиенти. Поставете ги вашите апликации и системи еднаш и одржувајте различни верзии за различни нивоа на продукти или барања на клиентите. Кога ќе добиете нов клиент, поставувањето на нивната апликациска околина трае минути наместо часови, забрзувајќи ја испораката и обезбедувајќи конзистентност во имплементацијата на проектите.

Деловен континуитет со бекапи и disaster recovery репликација

Interspace Cloud обезбедува опција за Автоматски бекапи која креира целосни копии на вашиот сервер според распоред и фреквенција кои вие ги дефинирате. Овие бекапи ви овозможуваат да го вратите серверот во претходна состојба, што е многу корисно во случаи како што се враќање на податоци избришани по грешка или решавање на системски проблеми кои не постоеле во минатото.

Disaster Recovery репликација е процес на континуирано создавање резервна копија (реплика) на вашиот примарен виртуелен сервер во друг дата центар. Ако се случи инцидент во примарниот дата центар, се стартува репликата во disaster recovery дата центарот, елиминирајќи ја потребата за подготвување нови сервери или враќање од бекап копии.

Можете да овозможите автоматски бекапи и disaster recovery репликација со само неколку кликнувања преку контролниот панел My Interspace. Едноставно, најавете се, изменете ги подесувањата и оставете платформата да автоматизира сè.

Клучна предност на Interspace решенијата за Автоматски бекапи и disaster recovery репликација е каде тие се чуваат. Секоја бекап копија или реплика на сервер се чува во дата центри оддалечени најмалку 100 км. Оваа стратегија на двојна локација значително ја подобрува редундантоста и помага да се заштитат вашите податоци од различни ризици.